السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ
Kisah ini nyata ulun alami dan ulun saksikan sendiri di bulan Rajab
pada tahun 1993 dan ini adalah tentang sebagian kecil dari karomah ABAH
GURU SEKUMPUL dan kisah ini dapat ulun pertanggung jawabkan dihadapan
ALLAH dari dunia sampai ke akhirot kelak...
Sumber : http://rindurasul2.blogspot.com/
Ulun tinggal bersama 3 orang teman dalam 1 kamar asrama dikawasan
antasan senor ilir...Malam itu tepat malam jum'at di bulan Rajab pada
tahun 1993...Selesai rapi melaksanakan aktifitas di asrama dan aktifitas
nang lainnya...Kamipun bersiap-siap untuk guringan...Dikamar hanya ada
ulun dan kawan ulun nang asal kapuas...Kebetulan kawan ulun nang asal
rantau malam itu umpat kawannya kebanjarmasin karna jum'at siangnya
libur...
Sebelum guring udah jadi kebiasan kami untuk sholat sunnah dulu 2
raka'at...Sehabis sholat sunnah dan sedikit wiridan ada hal aneh yang
kada suah terjadi seperti malam sebelumnya...
Kawan ulun nang asal kapuas itu tiba-tiba saja bapander kaya ini : (
Inggih guru...Ulun sudah siap...Minta ridho piyan dari dunia sampai ke
akhirot )
Posisi kawan ulun masih duduk di atas sajadah bapander kaya
itu...Sambil barabah handak guringan...Ulun batakun lawan inya : (
Kanapa ikam jadi bapander sorangan...Sudah kasyaf kah ikam ) Jar ulun
sambil bagayaan...
Kawan ulun tadi menjawab begini : ( Mudah-mudahan malam ini menjadi malam yang berkah gasan kita lahir bathin dunia akhirat )
Memang ulun rasakan malam itu aneh dari malam-malam sebelumnya...Hawa
sejuk dan hati sangat tenang seolah-olah kadada beban apapun dalam
hidup didunia ini...Ringkas cerita kamipun guringan...Malam itu ulun
mimpi melihat cahaya putih yang sangat silau dan kada kawa sama sekali
ulun malihat kiri kanannya...Tiba-tiba saja ulun digarak oleh kawan ulun
tadi...Ulun liat jam kada tahunya sudah subuh sekitar jam 4
lewat...Ulun takajut banar karna kada sholat malam...
Ulun managur kawan ulun : ( Kanapa ikam kada garak aku sholat malam )
Kawan ulun menjawab : ( Ikam sudah kugarak taga kada hakun bangun dan ikam guring mati )
Ada lagi sesuatu yang lebih aneh dan membingungkan bagi ulun...Ulun
mancium bau harum disana sini dan bahkan ulun belum suah mencium bau
harum itu sebelumnya dimanapun...
Ulun batakun lawan kawan : ( Bau harum apaan ini...Harumnya nyaman banar )
Kawan ulun menjawab : ( Aku habis mimpi batamuan lawan RASULULLAH )
Langsung secara spontan ulun maragap inya...Pakaiannya hibak bau
harum sampai kebadan dan kerambutnya...Subhanallah Walhamdulillah Wa
Laailaahaillallah Wallahu Akbar...Allahumma Shalli 'Ala Sayyidina
Muhammad Wa 'Ala Aaali Sayyidina Muhammad...Ulun langsung tatangis sujud
di atas sajadah bakas inya sholat malam...
Jadi kisahnya malam sehabis sholat sunnah handak guring itu...Inya malihat ABAH GURU SEKUMPUL duduk dihadapannya...
ABAH GURU SEKUMPUL jarnya batakun lawan inya : ( Sudah siapkah ikam batamuan lawan RASULULLAH )
Dan di jawab oleh kawan ulun dengan jawaban yang di atas ulun
kisahkan tadi...Jar kawan ulun jam 1 Malam itu inya bangun seperti
biasa untuk sholat malam...Tapi ulun di bangunkan inya kada hakun
bangun-bangun...Selesai sholat dan baca wiridan inya langsung baca
al-Qur'an...Disaat inya membaca al-Qur'an matanya berat dan ngantuk
seketika serta langsung inya taguringan...Antara Sadar gak sadar dan
antara guring wan kada guring...Disaat itulah inya mimpi batamuan lawan (
RASULULLAH ) dan di ajak sholat untuk menjadi ma'mum dibelakang
Beliau...
Siangnya ulun wan kawan ulun tadi datang kerumah salah seorang guru
kami dan menceritakan tentang semuanya...Dan guru kami itu menjabarkan
semua tentang kejadian mimpi kawan ulun itu....
Dan dilain hari pada suatu malam ulun tulak kasakumpul lawan kawan
ulun tadi...kebetulan kami malam itu duduk jauh dari palataran rumah
ABAH GURU SEKUMPUL...Tapi masih di pelataran rumah nang masih kawasan
Regol...
Pas pembacaan tiba-tiba ABAH GURU SEKUMPUL bapander kaya ini : (
Indahnya Angin Ma'rifat,Kaya apa ...................) Titik-titik disitu
ABAH GURU SEKUMPUL manyambat ngaran kawan ulun itu...
Allahu Akbar...Semakin bertambah kuatlah keyakinan hati ini kalau
ABAH GURU SEKUMPUL benar-benar memiliki karomah yang sangatlah luar
biasa...sampai-sampai kawan ulun handak tamimpi RASULULLAH haja sidin
bisa tahu badahulu...
Inilah sebagian kecil kisah nyata nang ulun alami sendiri tentang
karomah ABAH GURU SEKUMPUL...Semoga ada hikmah buat kita semua dari
kisah ulun ini...Mudah-mudahan kita sabarataan mendapatkan Syafa'at
Baginda RASULULLAH dan Barokah Karomah dari ABAH GURU SEKUMPUL serta di
ampuni segala bentuk dosa dan kesalahan ke dua orang tua kita,diri
kita,istri kita,anak-anak kita,saudara-saudara kita,guru-guru
kita,muslimin muslimat,mu'minin mu'minat dan semoga kita dipenuhi dengan
Rahmat kasih sayang serta Ridho ALLAH dan dikumpulkan di akhirat nanti
bersama orang-orang yang beriman di dalam sorganya ALLAH...Aaamin
Allahumma Aaamin Yaa Allah Yaa Robbal 'Aaalamin...
Maaf kalau nama kawan ulun itu dirahasiakan...Karna ulun kadada izin
balum manyambat siapa namanya...Kawan ulun itu asal kapuas dan masih
zuriyat Datuk Kalampayan jua...Sekarang kawan ulun itu masih ada dan
inya masih mambujang haja balum babini...Sampai wayahini inya masih
rancak ziarah ke kubur para Auliya Allah dan datang kerumah para habaib
dan ulama serta masih haja rancak datang kesekumpul...Cuma tetap dengan
ciri khasnya yaitu biasa-biasa haja karna inya kada jadi ustadz
ataupun kyai,tapi mencari rezeki dengan usaha lain...Hal-hal yang
sangat bagus di teladani dari kawan ulun ini sangatlah
banyak,diantaranya adalah :
Orangnya pendiam,jarang bangat bapander,kecuali hal-hal yang sangat perlu...
Orangnya rajin bangat puasa,khususnya senin kamis dan dibulan-bulan penting lainnya...
Orangnya rutin bangat membaca al-Qur'an dan selalu setiap saat membaca shalawat...
Orangnya sewaktu abah wan umanya masih hidup,handak tulak kemana-mana selalu mancium tangan bahkan kabatis-batis kuitannya...
Orangnya selalu kada lapas wudhu,rajin bangat ziarah kemaqam
auliya,kerumah habaib dan ulama,rajin bangat bashadaqah walaupun keadaan
pas-pasan sewaktu dipesantren dulu...
Itulah sebagian kecilnya prilaku kawan ulun nang bagus bangat manurut ulun untuk diteladani...
Dan banyak juga hal-hal yang aneh terjadi didiri kawan ulun ini,diantaranya adalah :
Pernah ulun mambaca kitab gundul didalam hati sambil mahafal,kemudian
ada nang salah ,tiba-tiba haja inya managur,padahal ulun mambaca
jelas-jelas dalam hati kadada nang tahu...
Pernah sewaktu kawan bekas sama-sama dipondokan dahulu melaksanakan
kawinan,kawan ulun nang asal kapuas itu di undang,pas hari kawinan inya
datang kakawinan itu,ulun takajut jua kawan nang kawinan itu bakisah
inya datang,padahal ulun jelas-jelas tahu banar lamun inya lagi ada
dimekkah tulak umroh...
Pernah ulun datang kerumah ABAH GURU SEKUMPUL lawan kawan ulun ini
karna ada sesuatu hal,dan maaf ulun kada kawa kisahkan dipublik ini,pas
dikamar ABAH GURU SEKUMPUL,sidin basuara kaya ini : ( Kaya itu pang
sudah mun jadi wali ) sidin basuara sambil takurihing mamusut kepala
kawan ulun itu...Dalam hati ulun basuara : ( Bararti kawan ulun ini wali
)...langsung ABAH GURU SEKUMPUL basuara lawan ulun kaya ini : ( Napa
nang dibisikan hati ikam itu bujur,kada tasalah )...Langsung ulun
takajut,ABAH GURU SEKUMPUL mambaca isi hati ulun...
Mudah-mudahan ada mamfaat dari balik kisah ulun yang ringkas ini...Di
lain waktu mudah-mudahan ulun kawa pulang bakisah tentang Karomah
lainnya Tentang ABAH GURU SEKUMPUL yang ulun alami sendiri...Aaamin
Kisah ini di ambil dari pengalaman Habib Ahmad Alaydarus dengan akun FB Putra Kalimantan
dan
sekaligus mengenang kepergian beliau untuk selamanya,Habib Ahmad Alaydrus meninggal dunia pada Hari minggu malam senin pukul 08.40 waktu
madinah.
Usia 40thn karena sakit kanker liver akut dan dimakamkan hari senin waktu madinah
Mohon do'anya semoga amal ibadah beliau diterima Allah SWT & Mohon dimaafkan jika ada segala kesalahan Beliau.
Sumber : http://rindurasul2.blogspot.com/ 
